Khine Hnin Wai In Mipi Hrang Arti Pum 10,000 A Hlu

Fala kum 40 mi Khine Hnin Wai ih sulhnu pawl zoh tikah zohthim a tlak zet. Hngakṭah runinn anei ih cawmtu neilo nauhak pawl a cawm, miharsa pawl a bawm ih oxygen khal a hlu ṭheu.

Myanmar ramsung, hmun ṭhenkhat ah ti a lian ciamco ruangah tilian ruangih harsatuar pawl hnenah bawmnak phunphun a kuatsuak.

Covid-19 in mipi pawl a nuai ciamco ruangah arti lei ding a har zet, damlo pawl le Covid-19 center lamin arti tam zet an rak lei khawlcia ruangah arti zuar umsun khal pumkhat ah 300/400 in tla an zuar.

Damlo pawl hrangah arti hi a ṭha zet ih, Khine Hnin Wai in arti pum 10,000 cu mipi hnenah ava pe. Innsang member tam mal izir in arti tray khat/hni tin amah rori in ava zem vivo.

Khine Hnin Wai in “Tuisun ah arti pum 10,000 ka hlu, damlo an rak tam tuk ruangah an vengsung ah siivai ka kapter. Nan zaten damcahnak ngah lohli hram uh” tin a tarlang.

Be the first to comment

Leave a Reply

Your email address will not be published.


*