Khua Lal An That Ruangah Mino (2) Cu PDF Tin An Kai

Bago peng, Thayawady District, Hla Lwin khua lal U Myint Lwin cu ti tawih puai ah ava feh ih April 15 ah zo ti theih lo pawlin an that.

An khua ih a tlunlam ah a hngawng ah meithal in an kap ih a hmun ah a thi cih. Curuangah an khuasung ah ralhrang pawl an va lut ciamco ih zingzoinak an tuah, mino (2) cu PDF tin an kai ih hmundang ah an hruai.

Khuami pakhat in, “Tlangval le fala an kai, khua lal thatnak thuhla ruangah an kai. Rinhlelnak in an kai, an kaih hnuah PDF tin an tarlang. Ralhrang pawlin an duhduh in thil an phuah ṭheu” a ti.

An kaihmi pahnih cu kum 20 mi Zaw Zaw Aung le kum 20 mi Ma Cho Thye Lwin an si. Khuitawk hmun ah an hruai ti an thei lo ih tutiang an suah hrih lo.