Khua Lal Le A Nupi Ih Lu An Tan

Mandalay, Nganzun peng, Hta Naung Kone khua lal le a nupi cu July 18, 2022 zinglam ah zo ti theih lo pawlin an that ih an lu an sat tan. An innsung ah thicia in an va hmu.

Tualsung mi pakhat in, “Ralhrang in ramsung thuneihnak an lak hnuah khua lal a ṭuan. A nupi khal sumpai a khong ṭheu. Zinglam nazi 6:00 hrawngah an innsung ah an lutcilh ih an that. An pahnih in an lu a bul” a ti. Hta Naung Kone khua lal thattu hi ziang pawlkom an si ti an thei hrih lo.

Khuami in, “Khua lal cu U Hlaing Min Tun a si, a nupi hmin cu Daw Myint a si. An innsung ah minung 4 an va lut ih an that, an lu an sat tan hnuah bike thawn an tlansuak. Minung 4 ti lawng kan thei” a ti.