Khua Suahsan Thei Lo Rualban Lo Nunau Pakhat Cu Ralkap Pawlin An Rak Pawngsual

Sagaing Division, Pale Myone, Khin Thar khua ah ralkap pawl an va lut ih meithal an hmetpuak ciamco ruangah khuasung mipi pawl cu ramlakah an tlan. Khuasung mipi pawl ih rannung an rak thatsak ih an ei.

September 1 ah khua suahsan thei ve lo rualban lo nunau (thinlung kim lo) cu ralkap pawlin a burpin an pawngsual. Nunau cu kum 50 hrawng mi a si ih pawngsualtu pawl an sut tikah “An tamtuk” a ti, cun khuasung mipi pawl an tlan thluh ruangah a rawlei lonak khal ni 3/4 hrawng a si thu a rel.

Ramlak ih um pacang kum 50 mi U Than Htay khal ‘Ralkap pawlin in rak tuahmawh nawn zik lo’ tin ava tlung lawk ih ralkap pawlin an rak that.

Taklawng in tikawng ah an hlon, a pum le a hngawng ah nam in an atnak hliamhma hmuh a si. Khin Thar khuami U Khin Maung Than khal ralkap pawl ih an vuaknak ruangah a hmai le a lu a kuai ti theih a si.

Be the first to comment

Leave a Reply

Your email address will not be published.


*