Chin State, Thantlang peng, Vambai khua ah raltlan dinhmun ih um nauhak kum 4 mi Cung Khua Lian cu tuisun August 7, 2022 ah khuaingal in a hen ih a hliam tuar loin a nunnak a liam.
Cung Khua Lian hi Pu Tuan Hmung ih fapa a si ih Thantlang Saihpiozi veng ih um an si, Thantlang TBC kawhhran ih um an si. Ralhrang pawlin Thantlang khua an urkang ruangah Vambai khua ah raltlan in an khuasa.
Thantlang khua upa Pu Ram Khar in, “Thantlang khua, Saihpiozi vengsung ih um Pu Pu Tuan Hmung ih fapa Cung Khua Lian (kum 4) cu raltlan ih an umnak Vambai khua ah khuaingal in an hen. Tuisun August 7, 2022 sun nazi 12:00 hrawngah a hen ih zanlam nazi 7:00 hrawngah in thihsan.
Khuaingal hi an umnak innkiang ah aum. Pu Tuan Hmung cu Pu Hram Al ih fa a si, Thantlang TBC kawhhhran an si. Tanta mi innsang zaten nan riahsiatnak kan lo tuarpi, Pathian in nan riahsiatnak hi lo hnem hram seh” tin a tarlang.
Leave a Reply