Khuasia In A Cencilh Hnuah Ṭong Dangdang A Thiam

1906 kum ih thilthleng hi a mak zet ih tuini tiang an rel rero lai. Fala kum 16 mi Clara Cele cu hngakṭah runinn ih thanglian a si. Africa ram, St. Michael’s Mission hngakṭah runinn ah aum, Satan thawn remawknak an tuah hnu ihsin a sungah khuasia an lut thok.

Zanṭim laiah mak zetin a au ciamco ṭheu, kilkhawitu sister in, “A au thawmvang cu a rapthlak tuk, kiosa authawm a si fawn lo. Satan authawm rori a si” a ti. Zan a itthat lai khalah feet 5 hrawngih sang, boruak lakah arak it ṭheu. Amah sirhsan in zuknung khal an tuah.

Khuasia in a cencilh hnu ihsin ṭong dangdang a thiam, a theih dahlomi ṭong pawl khal a thiam. A ṭong thiammi ṭhenkhat cu Polish, German, French, Norwegian le ṭong dangdang. A caan len theihlo ṭong in a phun ciamco ih an ṭih thei tuk, hngakṭah runinn sungih ṭuanvo neitu sister pawl khal kut a thlak.

Mi uirenak thuhla pawl khal a cipciar in a phuangsuak ṭheu ruangah mak an ti tuk, A thuputen nupa-sinak hman pawl khal arak thei thluh. Kum 2 sung puithiam pahnih in an buaipi hnuah a sungih um khuasia cu an duaisuak thei, a ṭhahsal hnuah a ningzak tuk ih midang hnenah ngaithiam a dil. 1912 kum ah kum 22 mi si in a thi, a thinlam damlonak ruangah a thi.

Be the first to comment

Leave a Reply

Your email address will not be published.


*