Khuasia Pawlin An Thup Ruangah An Hmu Thei Lo, Amah Cun Arak Hmu Thluh

Hlanlai kan pilepu pawlin Lasi Zawl thuthla an rak rel ṭheu, tulai khalah Thailand ramsung ah a thleng lai cu a mak zet. Udon Thani khua ih um pacang Mr. Panom Srinuan cu bike thawn an loram ah ava feh ih an cet siat a tuah, cet a tuah tikah cun nazi 2 hrawng lawng a rei ṭheu.

Himi sun cu a tlung nawn lo, zan khal a tlung lo ruangah a nupi in a seherh tuk ih a thaizing ah tualsung palik hnenah mihlo thuhla ava thehlut. Palik le khuasung mipi pawlin an hawl ciamco nan an hmu thei lo, an loram sung khalah an va hawl rero ih an hmu lo.

A bike le phone, kedam pawl cu an hmu nan amah cu an hmu lo, a loram kiangkap ahcun an au ciamco ih thawmvang zianghman an thei lo ruangah an beidong tuk. A thaizing ah an sungkhat pakhat in bike thawn arung phur ih a tlung, a hlohdan thuhla cu an sut ih an thlam sungih aum ringring thu a sim thei.

“Zohman’n in hmu thei lo, ka kiangkap ah nan um rero. In hawl rero nan zohman’n in hmu thei lo, ka tal ciamco thei lo ruangah bawmnak ka lo dil nan nan theithei lo cu ka mangbang tuk” a ti. An vengsung mipi pawlin Lasi Zawl a si ding an ti.

Tualsung phungyi upa in, “Hivek cu sualnak tuahtu pawl hnenah a thleng ṭheu, asilolen khuasia pawl umnak loram na siatsuah ruangah khuasia pawl an thinheng tla a si thei” a ti. An khuasung ah hnamnei, khuasia zawl nuhmei pahnih an um ih an duhmi mipa cu an kaihrem hnuah taksa diriamnak an tuahter ṭheu, an hlawhtling lo asilen an innsang ah siatnak a thleng an ti.

Be the first to comment

Leave a Reply

Your email address will not be published.


*