Khuasung Mipi Pawl Tangtlang In Rukru (5) An Kai

Shan State, Namkham peng, Panghangyi le Mongwee khua ah rukru pawl an hrang zet. Rukru pawl cu ritheihsii an tham ṭheu, ritheihsii leinak ding sumpai an neih lo ruangah an hmuhhmuh thilri bungrua an ru.

July 7 zan ah khuasung mino 100 hrawngin rukru cu an rak bawh ih minung 5 an kai ngah. Khuami pakhat in, “Tulai hi ritheihsii tham an tam zet, ritheihsii leinak ding sumpai an neih lo ruangah thing an hau ih a thupten an zuarsuak ṭheu.

Meihol khal an rak ru ṭheu. Hna kan ṭuan laiah kan suncaw khal arak hlo. Tulai sumdawngnak a ṭhat lo thawn thilhlo aum ṭheu cu a mil aw lo tuk. An hmuhhmuh thilri bungrua an ru ṭheu, vah sukso khal a him nawn lo” a ti.

Rukru pawl cu hremnak an pek hnuah an innsang pawl hnenah tlensuak dingin an theihter, an tlensuak lo asilen tualsung mipi ralkap kutsung ah an hlan tum.

Be the first to comment

Leave a Reply

Your email address will not be published.


*