KIA In Ralkap Sakhan An La, Ralkap Pawlin Sakhan Lak An Tumsal Ih An Rak Kap Ciamco

Tulai Myanmar ramsung buainak cu a sosang tuk zo. Hpakant Township, Nam Jan Aung Lant khua kiangih ralkap sakhan pathum cu KIA pawlin an la. Ralkap le KIA pawl cu an doaw ciamco ih November 14 ah KIA in ralkap sakhan pathum Sai Ja, Aung Lian le Ga Kran Bum camps cu an la thei.

Ralkap pawlin himi sakhan pathum cu lasal dingin an zuam rero lai, doawknak vanzam le leihnuai ihsin an zuam rero lai ruangah an doawknak cu a nasa sinsin. November 15 simlam ah KIA pawlin lamzin ah an rak bawh ih ralkap pawl cu an kap ciamco ruangah ralkap 30 lenglo an thi.

Thuhla theitu pakhat in “November 15 simlam nazi 4 ihsin 6 tiang an kapaw. Nam Jan Aung Lant khua fehnak lamzin ah KIA pawlin an rak kap, ralkap pawl cu 60 hrawng an si ih 30 lenglo an thi” a ti. Tuizing November 16 zinglam khalah Hpakant-Kamaing lamzin ah KIA le ralkap pawl an kapaw.

į¹¬uanvo neitu pakhat in “Zinglam nazi 9:00 hrawngah Namya ihsin ra kaiso ralkap pawl cu KIA pawlin an rak kap. Nazi 11:10 hrawngah ralkap pawl cu an kirsal, sun nazi 12:10 hrawngah Wei Bum Taung lamzin ah an kapaw sal. Sun nazi 1:40 hrawngah an dai, himi an doawknak ih mithi le hliamtuar cazin cu kan thei hrih lo. Ralkap lamah mithi le hliamtuar cu an um” a ti.

Be the first to comment

Leave a Reply

Your email address will not be published.


*