Mipi Kilhimtu In Ralhrang Sakhan Picang 2 An La

Kachin State, Mohnyin District, Kin Myaing khua kiang ih um ralhrang sakhan picang pahnih Sa Hmaw LIB 384th Battalions le 383rd sakhan cu KIA le tualsung mipi kilhimtu PDF tangtlang in an va kap ciamco ih an la thei. Himi ralhrang sakhan pahnih hi sakhan tum zet a si ih ralhrang pawl umhmun khuarnak picang a si.

Tuizing December 24, 2021 zinglam nazi 3:00 hrawngah tualsung mipi kilhimtu pawlin an va kap ciamco ih sakhan cu an la, sakhan sungih um ralthuam, meithal pawl khal an la thluh ih sakhan cu an urkang. Cumi hnu zinglam ah ralhrang pawl cu doawknak vanzam in Mohnyin lam pan in an zamsuak.

KIA thuphuangtu in, “Tuizing ah kan miralṭha pawlin ralhrang sakhan 2 an la ih an urkang, cumi hnuah doawknak vanzam an hmang ih nasa zetin an doaw ciamco ruangah thuhla dang cu kan theithei hrih lo” a ti. Tuizing an donak ah ralhrang thi le hliamtuar tam zet an um nan cazin cu an theithei hrih lo, an kapaw rero lai.

Be the first to comment

Leave a Reply

Your email address will not be published.


*