Kim Jong-un Cu Zo Ti Theih Lo Nunau Pakhat In A Thlun Ringring, Mitkharh Le Handbag A Keng Ṭheu

Kum 38 mi North Korea ram hruaitu Kim Jong-un cu a vahsuahnak tinten zo ti theih lo nunau pakhat in arak thlun ringring. Nunau cu sunglass mitkharh le handbag a keng ṭheu, Kim Jong-un cu hlanral ihsin arak zoh ringring.

Media pawlin an zuk ngah tamtuk ruangah zo a si ding ti an zingzoi nan an theithei lo. An zumdan ahcun Kim Jong-un hrangah a thupten hnaṭuantu a si ding an ti. Nunau cu kum 30/40 mi hrawng a si.

North Korea ram hruaitu ṭhenkhat khalin zo a si ti an thei lo ih, “Himi nunau cu Kim Jong-un ih private secretary a si men thei. Kim Jong-un in amah kilkhawitu dingin nunau le mipa 5 hrawng cu a thupten anei. An hnaṭuanmi cu kan thei ve lo” tin North Korea ram hruaitu pakhat Michael Madden in media hnenah a sim thei.

Be the first to comment

Leave a Reply

Your email address will not be published.


*