Kim Jong Un In “K-Pop Cu North Korean Mino Pawl Siatsuahtu Cancer Nathrik An Si” A Ti

North Korea le South Korean ram hi ui le mee vek ih remaw thei lo an si. Tulai leitlun mipi ih an uar zet mi South Korean milar K-Pop pawl cu Kim Jong Un in “Mino pawl nun siatsuahtu cancer nathrik an si” a ti.

Kim Jong Un in “K-pop, K-dramas pawl ih music videos cu North Korea mino pawl siatsuattu cancer nathrik an si. An cangvaihdan, an sam tuahdan le an ṭongkam hmandan pawl khal an siatsuah thluh. A rei hlanah North Korea ram cu phardawl vekin a cim pang ding” a tiih a ramsung ah K-pop video pawl zoh nawn lo dingin forhfialnak anei.

North Korea ramsung ah South Korean thilri kenglut an siang lo lawlaw, abikin K-Pop ih music videos cu an hua tuk. Asinan, a thupten rak kenglut an um ṭheu ruangah hngetkho zet ih zohfelnak nei dingin ramri kiltu pawl hnenah an sim.

2020 December ah Kim Jong Un in a ramsung mipi pawl hnenah “South Korean awnmawi, thilri bungrua koltu cu an thubuai i zir in kum 5 lole 15 sung hrem an tuar ding, hnaṭuan harsa ṭuanter in hremnak pek an si ding tin arak phuang zo. Cun, North Korea ramsung ih South Korean thilri kengluttu cu napin hremnak pek an si dingih thihnak daan khal an orh thei a ti.

Be the first to comment

Leave a Reply

Your email address will not be published.


*