KNDF In An Zangfak Ruangah Hlamtu Nei Lo Ralkap Ruang An Urkang, Ralkap Pawlin An Rak Kap

The Karenni Nationalities Defence Force (KNDF) le thuneihnak latu ralkap pawl nasa zetin an doaw rero lai. KNDF pawl cu tlangpar hriamkai dangdang in an bawm ṭheu ih an ramsung ih um ralkap sakhan cu pakhat hnu pakhat an la vivo.

May 31 sunah nasa zetin an doaw ciamco ih ralkap lam 80 lenglo an thi, ralkap meithal tum pipi 60 le meithal pangai 20 cu mipi lamin an laksak. May 31 sun an kahawkna ah mipi lam 1 a thi ih hliamtuar 6 an um.

KNDF le ralkap pawl an doawknak ah KNDF lam minung 31 an thi zo, ralkap ruang pawl cu lamzin kap le lolak ah an ril phengpheng ih ṭhenkhat ralkap ruang cu hlamtu an nei lo, an la lo.

Ni 3 hnu June 2 khalah hlamtu an nei lo ruangah KNDF pawlin an zangfak ih tikawng ah an urkang. Cutin, ralkap ruang pawl an urkang laitak ah ralkap pawlin an rung kap.

KNDF thuphuangtu in “Ralkap ruang pawl cu tikawng ah motor tire thawn kan urkang, ralkap pawlin meikhu an rak hmuh ruangah meikhu suahnak lam an rung kap. Loikaw khuasung ihsin in rung kap, bomb in vei-4 in kap nan hliamtuar kan um lo” a ti.

Be the first to comment

Leave a Reply

Your email address will not be published.


*