KNDF In “Mipi Ruangih Um Kan Si” Tin Meithal Kengin Leilet Hnaṭuan An Va Bawm

Kayah State, Loikaw ramsung ih um mipi kilhimtu KNDF-B-02 in khuasung mipi pawl ih leilet hnaṭuan an va bawm ṭheu. Fang at cuh laitak a si ruangah meithal keng phangin mipi pawl ih hnaṭuan an bawm.

Hmun ṭhenkhat ahcun meithal cerek mu zam vutvo lak khalah leilet hna an ṭuan thotho. Himi kiangkap hrawng ih um pawl cu leilet hnaṭuan ih cawmaw an si ruangah doawknak lak khalah hnaṭuan an cawl cuang lo.

KNDF- B-02 ṭuanvo neitu in “Kan hnaṭuan cu mipi humhim ding, raltlan pawl kilkhawi ding hi a si. Mipi ih an ṭulsammi pawl bawm ding kan si, tulai hi fang at cuh laitak a si ruangah kan ralkap pawlin an va bawm ṭheu.

Kannih cu mipi ruangih um kan si vekin ziangtik lai caan khalah mipi hrangah kan um ringring ding a si. Mipi pawl cu kan nulepa an si, ziangtik lai caan khalah in bawmtu an si” a ti.

Be the first to comment

Leave a Reply

Your email address will not be published.


*