Ko Kyaw Thu: “Mipi Cokphurnak Men Ah Rampum Huap Raldo Ding Thuhla Phuang Leuhleuh Hlah Uh”

NUG cozah in rampum huap raldo ding thuhla a than leuhleuh ruangah Ko Mratt Kyaw Thu in nunsimnak anei. Kum 30 mi Ko Mratt Kyaw Thu cu Myanmar media hminthang zet pakhat a si, ralkap in kaih an tum ruangah Myanmar ram a suahsan ih raltlan in Spain khawpi Madrid ah aum.

Ko Mratt Kyaw Thu in “Kumkhat, kumhnih sung kan do hnuah nehnak kan co ding. Ka rualpi, sibawi le tlawng sayama pawl cu CDM ah lut in ralkap pawl an do rero lai. Culai ah kei cu hitawk ah ka rak um ih ka thiamaw lo zet. Asinan, khatlam ahcun media pawl an kai thluh asilen zoso cangan ding, zoso mipi hrang ausuak ding” a ti.

June 29 sunah NUG sungṭuan Dr Zaw Wai Soe in “NUG, EAOs, PDF pawl ih thazang a cak zo ih ralkap pawl ih thazang a mal zo. Kan tha neih hmuah suah in kan do ding. A rei hlanah D-Day (raldo ni) thu kan phuang cing ding ruangah mipi pawl rak ralring cia uh’ tin a facebook cahmai ah a tarlang.

Ko Mratt Kyaw Thu in “NUG in D-Day thuhla veikhat an relsuah veten ramhnuai ih hriamkai pawl cu an phur tuk ih harsatnak a tam. Min Aung Hlaing naule pawl khal an rak cangvai ve, D-Day cu ziang a si?

Mipi khalin ziangthil a thleng ding tin khua an rak cuan ringring ih an phur tuk. NUG in tuvek caan ah mipi cokphur an ṭul lai tin an ruat, mipi pawl hi cokphur an ṭul nawn lo.

Thungaite rel ahcun thluak hmang ih do a cu tuk zo. Dr Zaw Wai Soe cu harhdamnak le fimthiamnak Minister a si. Ziangruangah D-Day timi ṭongfang hi a uar ciamco, na duh tawkin biazia pawl ngan koaw. Asinan, ṭongfang thupi tuk cu hmang leuhleuh nawn hlah uh” a ti.

Be the first to comment

Leave a Reply

Your email address will not be published.


*