Korea Mifim In Ek Ihsin Gas, Power Pawl A Sersuak, Ek Thawhtu Hnenah Laksawng A Pe

Tulai san ah ek khalin ṭhahnemnak anei zo. South Korean mifim Ulsan National Institute of Science and Technology (UNIST), professor Cho Jae-weon in minung ek ihsin thilṭha tampi a sersuak.

Minung ek ihsin power, rawlsuannak gas le bettary tuahnak tipawl a sersuak. Ek 500g cu methane gas 50 litres ah a tuah ih, cumi electricity ihsin motor an mawng asilen 1.2km (0.75 miles) hrawng an tlan thei ding.

A ekinn cu BeeVi toilet tin a ko ih Korea tlawnginn UNIST campus sungah a ret, a ekinn sungih ek thawhtu tlawngta pawl cu nikhat ah 10 Ggool laksawng ah a pe.

10 Ggool in an tlawnginn campus sungih dawr ah thil phunphun an lei thei. An ek man in cabu, noodles, thingtheirah pawl an lei thei. Cun, 10 Ggool cu sumpai ngai ih an canter duh asikhallen QR code hmangin an scan thei thotho.

Tlawngta pakhat Heo Hui-jin in “Ek cu a tenum tuk ti lawngin ka rak ruat ṭheu. Asinan tu’ahcun ek cu ka sumpai ngahnak a si zo” a ti.

Be the first to comment

Leave a Reply

Your email address will not be published.


*