KTV Ah Fala An Cuhaw Ih Palik Bawi Cu Nam In An Dawt That

Ayeyarwady, Nyaungdon khua ih KTV dawr sungah ralhrang le tualsung tlangval pawl fala an cuhaw ih tualsung tlangval pawlin palik bawi cu nam in an dawt that. February 15, 2022 zan nazi 8:00 hrawngah palik bawi cu a hliamhma tuar loin a hnukcat.

Tualsung mi pakhat in, “Tlangval 5 cu Karaoke ah hla an sak, fala pakhat an hruai ih cumi cu hmun dangih to palik bawi in arak duh. Palik bawi a si ruangah thunei zetin fala cu a koter ruangah an buai thok, an sualaw ih mino pawlin nam in an dawt hnuah an tlansuak thluh. Himi KTV dawr sungah taksa hmehawknak khan khal aum” a ti.

Mino pawl cu motor thawn an tlan ih ralkap le palik pawlin an dum, meithal in an kap ciamco ih mino pakhat ih kawng ah an kap ngah. Ralhrang pawlin mino 5 cu an kai ngah ih nasa zetin an vuak ciamco hnuah sakhan ah an hruai.

Kiangkap ih um pakhat in, “Himi zudawr kawt ah rawldawr aum, a kiangah KTV dawr aum. Hlanlai áš­ong in kan rel asilen himi dawr sungah ziangkim aum thluh. Himi dawr cu ralhrang pawl theihpinak ih an onmi dawr a si” a ti.

Be the first to comment

Leave a Reply

Your email address will not be published.


*