Kum 1,500 Ih Upa Ruhro An Sar, An Rak Pomaw Lai (Mipi Ruahnak A Ti Tam)

China, Shanxi province, Datong ramsung ah hlanlai ruhro an sar ih an rak pomaw hnianghni lai. Ruhro cu mipa le nunau an si ih 386-534 C.E hrawngih phum mi an si ding ti an zum.

Hlanlai thilri hawltu Kevin McSpadden in ruhro cu a hmusuak. IJO ah “Nupa tuakhat cu mithi khua ah kumkhau duhdawtaw dingin mual an liam tlang” tin an tarlang. An kut ah zungbun an bun veve.

An zungbun cu hlanlai zungbun mankhung tuk a si lo nan an pahnih pehtlaih awknak ih an bunmi a si ding an ti. Kum 29-35 karlak mi an si ding tin an ruhro fehtlang in an theithei. Zo an si ti cu an thei hrih lo.

Cun ziangtin an thi ti khal an thei lo. Asinan, mipa ih kut ah hliamhma tuarnak an hmu runagah mipa hi damlonak nei in a thi ih, curuangah nunau khal a thataw ve lawlaw a si ding an ti. į¹¬henkhat zumdan ahcun rambuai ruangah maw, innsungsang buainak ruangah an thataw a si ding an ti.

Be the first to comment

Leave a Reply

Your email address will not be published.


*