Kum 19 Sung Itthattu Cu A Thi

US, Arkansas khua ih um pacang kum 57 mi Terry cu kum 19 sung a itthat, kum 19 sung zianghman thei loin aum ruangah ‘The man who slept 19 years’ tin an ko.

A nupi thawn fanute an neih hnu July 1984 kum ah motor cansualnak rapthlak zet a tong ih mithi khal an um. Terry cu a thi lo nan hliamhma nasa zet a tuar ruangah zianghman thei loin siizung ah an tuamhlawm.

Kum 19 sung cu zianghman thei loin a it ringring, a thaw cu aum lai ruangah a innsang pawlin beidong loin an kilkhawi. A nupi le hringtu a nu in kum 19 sung an rak tuawmhlawm. June 12, 2003 ah a thangharh sal cu mipi in mak an ti tuk, an innsang pawl khal an lungawi zet. A ṭong hmaisabik cu ‘Ka nu’ a ti hnuah theiti in ding a dil.

A ṭong thei vivo sal ih a taksa khal a cangvai thei, asinan cansualnak a tong ruangah a hlan vekin a tlangleng thei nawn lo. 2018 kum ah amah duhdawt zettu a nu in arak thihsan zo, a nupi le a fanu in an kilkhawi ringring hnu March 29, 2022 ah a thi.

Be the first to comment

Leave a Reply

Your email address will not be published.


*