Kum 2 Sung Sal Vek Ih Hnaṭuan Nauhak Kum 12 Mi Cu A Rualpi Pawlin An Runsuak

Shan State, Tangyan peng sungih um nauhak kum 12 mi cu Mandalay khawpi ah sal vekin hnaṭuan an fial, kum 2 hnuah a rualpi pawlin an runsuak. Nauhak te hi Ta’ang miphun a si.

Kum 2 liamzo ah China nu kum 40 mi hrawngin an inn ihsin hnaṭuan dingin a hruaisuak. Hringtu a pa cun a siang lo nan a nu in feh ko seh a ti, a pa in sumpai tingkhat a ken ih Mandalay khawpi ah hnaṭuan dingin China nu in a hruai.

Ta’ang nunau pawlkom hotu in, “Mandalay ih China inn ah hnaṭuan dingin a ret ih na tlung duh asilen nang mahten tlung aw’ a ti. China nu cu a lang nawn lo. China inn ah sal vekin hnaṭuan an fial, zan a it thiam lo ih rawl a ei thitha lo.

Zingpit nazi 4:00 ihsin zan nazi 11 tiang hnaṭuan an fial. Rawlsuang, nau-um, inn tifai, hnipuan sop le thil dangdang an fialkual rero. Rawl an ei khop hnuah an rawlei mi a hleifuan an eiter, nikhat ah rawl veikhat lawng an eiter. An hmuhsuam, an vuak ṭheu.

Kumhnih sung hna a ṭuan nan thlahlawh zianghman an pe lo, innlam khal veikhat hman an phone ter lo. Colh caan a nei lo. A hmeltheih a rualpi pawlin vengsung mipi pawl an phone ih bawmnak an dilsak. Motor mawng an ruai ih a tlansuak thei” a ti. Motor mawngtu Ta’ang nunau pawlkom kutsung ah a hlan, Ta’ang nunau pawlkom in an khua ah an tlunpi ih a nulepa hnenah an ret.

Be the first to comment

Leave a Reply

Your email address will not be published.


*