Kum 23 Mi Le A Pasal In Fate 105 Neih An Tum Ih 11 An Nei Zo, An Nau Neihdan Zoh Tikah An Nei Thei Ko Ding

Russia mi Christina Ozturk (kum 23) le milian zet millionaire kum 56 mi Galip Ozturk an neiaw ih fate 11 an nei zo. Christina Ozturk cu nauhak duhdawt zettu a si ruangah fate neih hi nuam a ti tuk ih 105 tiang neih an tum.

An fate upabik lawng Christina Ozturk in pangaiten a hringsuak, a dang pawl cu sibawi thiamnak hmangin an nei. An nupa ih ci cu an lasuak ih midang sul sungah an ret ih, cutin midang nau an paiter hnuah nau an nei.

Nau pakhat an paiternak ah $9,707 zat an pe ih an naupai sung cu anmah in an kilkhawi, an naupaitu ding an hawl tikah harhdamnak ṭha, thinlung tlaitluang le zuk le hmuam tham lo mi nunau lawng an hril.

Nauhak pawl cu felfai zetin an kilkhawi ih an nitin caan hmandan khal an ngankhum ringring. An ih caan khal zan 8:00 ihsin zinglam nazi 6:00 tiang caan diktak in an itthatter ṭheu.

Innsang nubik Christina Ozturk in “Fa 100 lenglo neih cu kan tum, paziat tiang kan nei ding ti cu kan thei hrih lo. Asinan, nau neih cawlh cu kan tum hrih lo” a ti.

Be the first to comment

Leave a Reply

Your email address will not be published.


*