“Kum 40 Sung Ka Itthat Nawn Lo Zo” A Ti, Siibawi Pawl Khal An Lu A Zing

China, Henan khua ih um Li Zhanying in “kum 40 sung ka itthat nawn lo zo” a ti, an vengsung mipi pawl khalin a itthat dah lo an ti ve.

A tir ahcun thuphang ah an ruat ih zan ah a itthat le itthat lo an va zoh thup ṭheu ih a itthat lai an hmu dah lo, a innsang pawlin sun ah cau zet dingin hna an ṭuanter hrim nan zan ahcun a itthat thei cuang lo.

Minung pangai vekin a itthat lai caan cu kum 5 a si lai lawngah a si, tu’ahcun pasal anei zo. A pasal khalin zan ah a itthat dah lo, zanṭim lai khalah sun vekin innsung ah hna a ṭuan rero ṭheu a ti. An neihawk pekte ah a pasal in itthat sii (sleeping pills) a eiter ṭheu nan san aum cuang lo, a taksa sungah hna an ṭuan thei lo.

Beijing, Sleep Centre ih siibawi pawlin zohdiknak an va nei ih mak an ti zet. Siibawi in “Li hi a itthat ko, asinan a itthatdan cu mipangai ih kan itthat dan vek a si lo.

A itthatdan cu tho-aa (sleepwalkers) pawl vekin a si, a itthat nan a mit a sing lo ih a taksa in hna a ṭuan lai” a ti. A thluak lam an zingzoi ih a pasal thawn an biakawk lai khalah reilote sung a itthat lawk ti an thei, asinan a mit cu a sing cuang lo ih a pasal khal a bia vivo thei lai.

Be the first to comment

Leave a Reply

Your email address will not be published.


*