Kum 5 A Si Laiah A Nulepa An Ṭhenaw, Kum 25 Hnuah Kutdawh Putar A Zuk Ngah Ih A Pa Arak Si

Korea mi Diana Kim cu American ram ah an um. Kum 5 a si laiah a nulepa in buainak an nei ih ṭongkam an elaw ciamco hnuah an ṭhenaw. Hringtu a pa cu an inn ihsin a tlan ih a hmu nawn lo.

Diana Kim le a nu khal harsatnak phunphun an paltlang. A caan le park sung le motor sungah an riak. Diana Kim cu buaih a ngah hnuah hnaṭuan a zuam zet ih mi hlawhtling ah a cang, photography hminthang zet a si ih umnak ding neilo, lamzin kap ih um pawl a zuk ṭheu.

Lamzin kap ih um cu a nauhak lai ih arak ton zo mi a si ruangah an tuarnak pawl a theithiampi, an harsatnak pawl a pholang sak ih bawm an ṭulzia pawl a ngan ṭheu. Nikhat cu lamzin kap ih um putar a zuk ngah ih a pa ti a theithiam hngal, a kiangah ava fehnai nan a pa cun arak theithiam nawn lo.

Cun, damlonak phunphun anei ti a thei ih siizung ah a hruai tum ih arak duh lo, cutin hlaral ihsin a pa cu a kilkhawi ṭheu. Veikhat cu heart attack in a tlu thutthi ih kiangkap um pawlin siizung ah an tlanpi.

Diana Kim in a theih veten siizung ah ava feh ve ih siizung ih aum ruangah a lungawi tuk. Siibawi pawl hnenah a damlonak pawl a simsak ih an tuamhlawm thei. Cutin a fanu khal a theithiam sal ih mipangai ah a cang, a fanu in hnaṭuan ding a hawlsak hnuah hna a ṭuan ih nuam zetin an khuasa, kum 25 hnuah an pafa in hringnun an hmangtlang thei sal.

Be the first to comment

Leave a Reply

Your email address will not be published.


*