Kum 5 Sung An Thlunaw Zo Ih A Cemnak Ah Fala Sawn In Neihawk Sawm

Kum reipi sung fala le tlangval an kopaw ih ṭhenkhat cu neihawk ding thuhla hi an rel dah lemlo. Fala in neihawk duh zet khalsehla mipa in a sawm lo ahcun a sawm ding tikcu caan hngak ih rak um ringring a ṭul ṭheu.

Asinan Thailand fala kum 28 mi Piyaporn Yibmantasiri cu amah sawn in a tlangval duhtak hi neihawk a sawm sawn. Piyaporn hi sumdawng hminthang le vanzam sungih hnaṭuan hlun a si. An rualpi, an sungkhat pawlin tlangval hnenah neihawk sawm thlang dingin an fial ṭheu nan a cangvai ngam dah lo.

Curuangah fala in an sungkhat le rualpi pawl hnenah amah in a sawm hmaisa tum thu a sim thei ih annih khalin an rak cohlang ve. Cutin mokor hruhcia in neihawk ava sawm ih a tlangval khalin lungawi soparten arak cohlang ih “Aw” a ti.

Piyaporn Yibmantasiri in, “Ka tlangval hi ka pasal dingah ka duh ti ka theifiang aw tuk ruangah ka thinlung zaten pe in neihawk ka sawm hmaisa.

Nunau in neihawk ka sawm hmaisa nan sinak ah buai loin in rak cohlang ruangah ka tlangval par khalah ka lungawi tuk. Innsang dinnak ah mipa le nunau ṭuanvo ti aum lo, kan bangaw thluh ih pakhat le pakhat upatawk ding lawng a thupi bik” a ti.

Be the first to comment

Leave a Reply

Your email address will not be published.


*