Kum 53 Mi Cu A Lang Nauhak Tuk Lai Ruangah A Fapa Ih Fala Ah An Ruat Sual Ṭheu

Indonesia, Jakarta khawpi ih um Puspa Dewi cu kum 53 a kim zo nan tleirawlte vekin a harh lai, a ruangrai khal a nonal zet lai.

A pasal kum 56 mi Neil Navar Hadi cu a kum thawn milaw in a lang upa ruangah a pa ah an ruat ṭheu, fapa pahnih Dennes Hadi le Daniel Hadi an nei ih an fapa upatu in nupi anei zo ih fapa pakhat an nei. Cutin Puspa Dewi cu tu hmel pakhat a hmu zo nan mipi in nauhakte ah an ruat lai.

A fapa thawn an vahsuah tikah mipi in fala le tlangval ah an rak ruatsual ṭheu. A fapa ih nupi (an mo) thawn an vaksuak tlang asilen rualpi ah an rak suatsual lala, ziangruangah ti asilen a lang nauhak tuk lai ruangah a si.

A lang nauhak lawng siloin a cangvaihdan khal a nauhak lai. Media pawlin ziangtin na lang nauhak thei ringring tin thu an va sut ih Puspa Dewi in, “Harhdamnak hi ka ruat thupi tuk.

Ei le in lam khalah ka supaw, thinharnak thuhla hi ka ruat ciamco paih lo. Thil ziangkim hi a ṭhazawngin ka ruat ringring” a ti. Puspa Dewi hi online sung khalah a lar zet ih thluntu khal anei tam tuk. Amah hi lamthiam, tileuh thiam a si. A man caan ah Aerobatic le basketball khal a lek ṭheu.

Be the first to comment

Leave a Reply

Your email address will not be published.


*