Kum 57 Mi Brad Pitt Le Fala Nonal Te Phone Number An Peaw, An Fans Pawlin An Duhpi

Kum 57 mi Brad Pitt cu leitlun zuknung khawvel ah a hlawhtling in a hminthang zet, asinan innsang khawvel ahcun a hlawhtling thei lo.

Fala khal a kop tam thlang ih nupi khal anei hnuaihni zo nan a hlawhtling thei lo, an ṭhenaw leuhleuh. Actress hminthang Angelina Jolie le Jennifer Aniston thawn khal an neiaw zo nan an ṭhenaw zo.

2016 kum ihsin a nupi Angelina Jolie thawn an ṭhenaw ih court ah an buai rero lai, an fate pawl cuhaw in an buai.

An fa lakmi thawn fate 6 an nei ih Angelina Jolie in a kol thluh tum ruangah an cuhaw, asinan court in Brad Pitt cu nehnak an coter ih an pahnih in an fate pawl cu an kilkhawi thei veve.

Brad Pitt in a nupi hlun lakah nehnak a co hnuah fala thar a kop thu a thang, a kopmi fala cu hlasakthiam le zuknung cangthiam hminthang kum 36 mi Andra Day a si. 2021 April thla ihsin hmin an rak nei zo ih an fans pawl khalin an duhpi zet “Kopaw hlawhtling zet nan si ding” an ti.

Be the first to comment

Leave a Reply

Your email address will not be published.


*