Kum 59 Mi Stephen Chow Le Fala Mawi Zet Kum 17 Mi An Kopaw

Zuknung khawvel ah Stephen Chow theilotu an um zik lo, a hmin an theih lo asikhallen a zuknung cu an thei ko ding ti a zumum. A zuknung lar hleice 2 cu Shaolin Soccer le Kung Fu Hustle a si.

Tu’ah kum 59 a kim zo nan nupi fanau anei hrih lo, a tlangval lai. Zuknung a canpi Karen Mok thawn kum 10 sung an rak kopaw ih 2010 ah an ṭhenaw. Tu’ah Miss Hong Kong 2021 ih tel, fala mawi zet kum 17 mi Ukei Cheung thawn an kopaw tin thuthang aum.

Kum 42 in an thlauaw nan an kaihaw tuk tin mipi in an lawm rero, June thla ah tipithuamthum parih yacht party-nak ah an tongaw ih an duhaw. Cumi hnu ihsin an thlunaw ṭheu.

Stephen Chow in a duat thiam zet ih an date awk tinten motor mankhung pawlin ava hruaisuak ṭheu. Zanriah an kiltlang ih caan an hmannuam hnuah a riaknak ding riakbuk mankhung pawl a sang sak ṭheu tin Apple Daily thuthang ah an tarlang.

Zarhtinten an tongaw ṭheu ih private lawng in nuam an cen tin thuthang aum. Asinan, Stephen Chow ih kuthnuai pawlin cutin an kopaw lo.

Fala Ukei Cheung in lengvak dingin ara sawm ṭheu nan an theiaw tuk lo ruangah arak el, lawng thawn an vahsuah tik khalah anmah pahnih lawng an si lo. Rualpi pawl thawn an si ih lawng sungah minung tampi an um an ti.

Be the first to comment

Leave a Reply

Your email address will not be published.


*