Kum 6 Sung Sam A Kholh Lo Ih Sam Tla A Nei Nawn Lo, A Sam A Ṭha Sawn

Tlangval Nick Coetzee in kum 6 sung a sam a kholh lo ih sam tla khal anei nawn lo, ‘sam kholh lo hi a ṭha sawn’ a ti. A hlan ah Nick Coetzee ih sam hi a tla nasa thei tuk, an tlawngkai lai khalah a kor ah a sam tla pawl an bet ringring.

Tlawng an ban veten a sam tla ruangah a kor khal a thleng lohli ṭheu. Siivai phunphun in a tuamhlawm nan a sam tla cu a reh thei cuang lo. Curuangah a hman ṭheumi shampoo le conditioner pawl a hmang nawn lo, kum 6 sung a sam hi a kholh nawn lo ih sam tla khal a nei nawn lo.

Nick Coetzee in, “Kan hman ṭheumi shampoo le conditioner lakah chemicals tam zet aum ih sam pawl an siatsuah sawn. Kum 6 sung ka sam ka kholh nawn lo ih a ṭha sawn, sam tla khal ka nei nawn lo. Shampoo le conditioner pawl ka hmang nawn lo ruangah ka sam lakah pianphung oil ara suak ih ka sam hi an ṭha tuk” a ti.

Be the first to comment

Leave a Reply

Your email address will not be published.


*