Kum 73 Mi CDF-Mindat Paralṭha In Ram Le Miphun Hrangah A Nunnak A Pe

November 3, 2021 zinglam ah CDF-Mindat le ralkap pawl an kapaw ciamco ih ralkap lam 10 hrawng an thi, hliamtuar khal tam zet an um. An doawknak ah CDF-Mindat paralṭha kum 73 mi ih nunnak a liam, hliamtuar 2 an um nan seherh um dinhmun an si lo.

“Nunnak liamtu kan pu cu kum 73 a kim zo. CDF-Mindat hrangah meithal le zen in tuahsaktu a si. Kan rinsan zetmi a si ih ram le miphun duhdawt zettu kan pu a si” tin an tarlang.

Matupi ihsin Mindat lam ih feh tank 2 le ralkap motor 75 cu lamlakah CDF-Mindat pawlin an rak kap. Tu’khalah kaphnih kapaw thei ringring dinhmun ah an um. Matupi le Mindat lamzin cu CDF-Mindat in an control thei thu Khit Thit Media hnenah an sim thei.

CDF ṭuanvo neitu in “Mindat-Matupi lamzin cu CDF-Mindat in kan control, kan dung deuh ahcun nikhua a siat ruangah ṭhaten kan kap thei lo. Tucu thlatang caan a thleng ih nikhua khal a ṭhasal zo ruangah ziang thil a thleng ding ti cu kan rak zoh hnik ding” a ti.

Be the first to comment

Leave a Reply

Your email address will not be published.


*