Kum 79 Mi Ayeyarwady CM Cu A To Men Thei Nawn Lo Ih Ralkap Pawl Do Dingin A Ralring Zo

Myanmar ramsung thuneihnak cu Min Aung Hlaing in thahrum thawn a la ih mipi in an duh lo ruangah daiten lamzawhnak in an langter. Mipi pawl ih duhmi cu ziangah an rak ruat lo ih an kap that ciamco ruangah mipi pawl khal daiten an um thei nawn lo ih meithal kengin an do thlang.

Cuvek lakah Ayeyarwady Chief Minister rak ṭuan rero zo tu Mahn Johnny (မန်းဂျော်နီ) cu tlangpar hriamkai pawl lakah aum ih meithal kengin ralkap pawl do a man zo.

A nolai caan zaten ramkhelnak ah a hmang ih a ni tlak nai lamah cun meithal thawn raldo dingin a poksuak. Kum 79 ih upa a si zo, ramkhelhnak ruangah thawng a tla zo. 1965 kum ihsin 1986 kum tiang cu tlawng saya arak ṭuan.

1990 kum ah National League for Democracy in hrilawknak ah a tel ih nehnak a co nan ralkap pawlin tokham an pe duh lo. 2012, 2015 kum hrilawknak ah a telsal ih nehnak a co, cutin Chief Minister a ṭuan.

January 9, 2018 ah a harhdamnak a ṭha nawn lo ruangah CM ihsin a cawl nan Ayeyarwady Region Hluttaw ah a ṭuan. Tui caan ahcun “Rampi zalennak kan ngah theinak dingah cun ralthuam keng a ṭul thlang” a ti.

Be the first to comment

Leave a Reply

Your email address will not be published.


*