Kum 80 Mi Pitar In A Pasal Mitcaw Cawm In Thil A Zuar Ṭheu

Myanmar ramsung cu Covid-19 natsia in a nuai ciamco ruangah mipi khal an vaksuak ṭhiṭha ngam nawn lo. Cuvek lakah pitar kum 80 mi cu a pasal mitcaw a cawm ṭul ruangah thilzuar dingin zingtinten a fehsuak ṭheu.

A pasal cu kum 79 mi a si ih khua a hmu thei nawn lo ruangah zianghman a ṭuan thei lo. Mandalay, Kyaukse District, Ein Pya khua ih um an si, lamzin kap ah to in hanghnah hangrah, thing theirah pawl a zuar.

Myanmar lemcan thiam May Nwe Htun in ava hmu ih tuvek boruak sia lak ah lamzin kap ah to in thil a zuar cu a seherh tuk ruangah a thuhla a sutfiah.

Pitar in fate an nei nan nupi pasal nei in hmun dangah an um thluh, an ngaihsak nawn lo thu cu mitthli thawn arak sim. A fanu in a cancan len ava vehvai ih fangfai, siti le thildang neuhneuh a leisak thu khal a sim.

May Nwe Htun in bawmnak sumpai a pek hnuah an thuhla cu online parah a tarlang ih “37th le 77th pialnak ding lamzin kap, Daw Phaung Noodle Shop kiangih to pitar nan hmuh asilen nan theitawk in a thilzuar mi rak leisak hram uh” a ti.

Be the first to comment

Leave a Reply

Your email address will not be published.


*