Kum 9 Sung A Itthat

British, Turville khua te ih um nauhak kum 11 mi Ellen Sadler cu kum 9 sung a itthat, kum 9 sungah ziangthil a thleng ti khal a thei lo. Curuangah a hmin ah ‘The Little Girl Who Slept for 9 Years Straight’ tin an ko ih a thuhla cu Wikipedia khalah siar theih in aum.

Ellen Sadler cu May 15, 1859 ah a piang ih unau 12 an si, amah cu 10-nak a si. A pa cu lo hnaṭuan a si ih motor accident in a thihsan, a nu in pasal dang a neisal ih a pasal cu factory hnaṭuan a si. 1871 kum ah, zankhat cu an unau za in an ittlang khawm ih a thaizing ihsin a tho nawn lo.

An ko, an thing ciamco nan a thangharh thei nawn lo ih an mangbang tuk. Hmun dangdang ih um siibawi pawlin an va vehvai ṭheu nan a natnak hi an theithei lo, an thangharh thei lo. A nu in haite in cawhnawi le thil dangdang a barh ṭheu ih rawl a pe, mi itthat lai rawl barh cu har a ti zet.

Ellen Sadler ih natnak cu Trypanosomiasis ti an thei ih siibawi thiamnak in an tuamhlawm dam thei lo. A thuhla cu mipi in an thei tam deuhdeuh ih an va zoh ṭheu, ṭhenkhat in an zoh phah ah sumpai an pe.

A nu in ziangtinkim a buaipi thluh, asinan vanduai thlak zetin a thangharh hlanah a nu in a thihsan, a nu in a thihsan hnu thla 5-nak ah arung thangharh ih kum 9 sungih thilthleng cu a thei nawn lo. Cumi hnuah pasal nei in a pasal thawn fate 5 an nei ih 1910 kum ah a thi.

Be the first to comment

Leave a Reply

Your email address will not be published.


*