Kumkim Lo Nauhak Pawngsualtu Mi 3 Cu Thihdaan An Orhter

Irrawaddy, Pyapon khua ih um mipa 3 cu mi an that hnuah nauhak kumkim lo an sualpi ruangah June 29, 2022 sun ah Pyapon District Court in thihdaan a orhter thluh.

January 2021 kum ah Ko Kyaw Kyaw le a rualpi 2 cu Min Hla Su khua ih inn pakhat ah an va lut ih inntek putar cu an vaw that hnuah sui le ngun an laksak. Cumi hnuah putar ih tunu te kum 12 mi cu an pawngsual.

Palik pawlin an kai ih kumkhat lenglo thawnginn sungah an khum, an thuhla an zingzoi vivo hnuah thiamlo coter in thihdaan an orhter. An rukmi sui le ngun khal an laksak thei.

Khuami pakhat in, “Khua ih hmin cazin latu pawl an si. Khuasung umtudan cu an thei tuk. An thiltuah mi hi a rapthlak tuk, mi an that hnuah a tunu kumkim lo an sualpi bet. Kyaw Kyaw le a rualpi 2 cu kumkhat sung thu an sut hnuah thihdaan an orhter” a ti.

Be the first to comment

Leave a Reply

Your email address will not be published.


*