Kumpawng Ei In Mopa Ara Lut Ih Monu In Mopuai A Cemter Cih

India ramsung ih mopuai pakhat ah thil danglam zet a thleng. Uttar Pradesh, Mishrauli ih um fala le Khejuri khua ih tlangval pakhat cu June 5, 2021 ah neiaw dingin an innsang pawlin an tawlrel. Cutin, mopuai an tuah ih hlunghlai zetin caan an hmang dutdo.

Kutsihnak an thok zik zawng ah mopa cu kumpawng (India in ‘Gutkhat’) ei phah in ava lut. Monu in kumpawng a ei ti a theih veten mopuai cu cawl hngal dingin a sim.

An thuhla cu a hnok zet lawk ih monu cu an lem rero nan an lem thei nawn lo ruangah neiaw sal lo dingin thuthluknak an tuah. Mipi pawl khal mopuai hmangsal loin an tlung, an laksawng pawl khal an pe kiraw sal thluh ih fala le tlangval in hringnun an hmangsal veve.

India ram ih an neihawkdan cu nulepa ih tawlrelnak in a si tlangpi ruangah an mizia khal theiaw cia lemlo in an neiaw, ziangvek an ei/in ti an theihawk lo ruangah an neihawk hnuah buainak tong an um hnuaihni zo.

Kan dung zarh khalah Pratapgarh district ramsung ah mopuai danglam zet arak thleng zo. Mopuai an neihnak ah mopa cu zu a ri ih mipi hmaiah monu cu a lampi ciamco ruangah an ṭhenaw hngal.

An buai tuk lawk ih palik tiang an ko, khatlam khatlam an biakawk hnuah ṭhenaw fel dingin thuthluknak an tuah, an thilri pekawkmi khal an pe kiraw sal thluh ih mai inn lamciar ah an tlung.

Be the first to comment

Leave a Reply

Your email address will not be published.


*