Kutdawh Tleirawl Cu Zankhat Thilthu Ah Model Hminthang Zet Ah A Cang

Hringnun hi zankhat thilthu ah a her danglam aw thutthi thei ringring. Tu ih dinhmun ṭha co khal a dinhmun a ṭhat ruangah uangaw ding a si lo, tu ih dinhmun sia khal zankhat thilthu ah dinhmun ṭha a co thei ringring.

Philippines, Lucban, Quezon khua ah innsang harsa zet an rak um. An fanu tleirawl kum 13 mi Rita Gabriola cu an innsang cawmtu a si ih a naupa cawi phah in lamzin ah kut a dawh ṭheu.

Lucban khawpi ah Pahiyas Festival puai an tuah ih cutawk ah kut ava dawt, cutin kut a dawt rero lai cu camera-man Topher Quinto in arak zuk ngah. Online parah an puai hmandan le Rita Gabriola ih zuk cu a tarlang ih Philippines mipi pawl ih thinlung a neh zet.

Mipi in a hmelṭhadan a danglam tuk tin an lawm ciamco ih company picang pawlin model ṭuan dingin an va sawm. Cutin zankhat thilthu ah model hminthang zet ah a cang ih zuknung sung khalah a tel ṭheu. Tu’ahcun a fala zo ih hnaṭuannak ṭha zetzet nei in a innsang pawl a cawm rero lai.

Be the first to comment

Leave a Reply

Your email address will not be published.


*