Kutsihnak An Neih Hlante Ah Monu In Mopa Cu A Mitkharh Loin Ca A Siarter Ih A Siar Thei Lo Ruangah A Ṭhen Cih

India ram ih an neihawk dan cu nulepa ih tawlrelnak in a si tlangpi ruangah an ṭhenawk dan khal a danglam thei nasa. Uttar Pradesh, Sadar Kotwali khua ih um fala le Banshi khua ih um tlangval cu neiaw dingin an nulepa in ziangkim an tawlrel thluh.

Kutsihnak an neih ni lawngah an tongaw, monu in mopa cu a zohthup ringring ih a mit thazang a cak lo tuk ti a thei. Kutsihnak an neih hlante ah an kiangih um newspaper cu a mitkharh loin a siarter ih mopa in a siar thei lo ruangah a ṭhen cih.

Monu innsang khalin an makpa dingah an duhsal lo ih mopuai cu an cemter, mopa man le laksawng an pekmi motorcycle le thildang pawl khal an dilsal thluh.

Monu pa in “Mopa ih mit thazang a cak lo tuk ti ka rak thei lo, ka fanu in a theithiam ih mopuai cu a cemter” a ti. Monu khalin “A mit thuhla zianghman in simcia lo. Neiaw dingih in ra biak laiah a mitkharh tello in lam a leng thei lo ti in simcia ding an si. Kan rohlu thilri pawl in peksal a ṭul” a ti. (#Indiatimes)

Be the first to comment

Leave a Reply

Your email address will not be published.


*