Kuva Dawr Bomb Puak Ah Nauhak Kum 5 Mi A Thi, Bomb Kamtu 2 An Kai. KIA Le PDF Komaw In Ralkap 40 An That

Magway Region, Magway khawpi, Taungdwin lamzin kap ih um kuva dawr ah bomb a puak ih kiangkap um mipa nauhak kum 5 mi a thi. Kuva dawr cu USDP Office kiangte ih um a si.

September 14 zinglam nazi 8:00 hrawngah bomb cu a puak thutthi ih kiangkap um nauhah kum 5 mi Maung Nyan Lin Phyo cu a hliamhma tuar loin a hmun ah a thi cih. Mipa kum 25 mi khal hliamhma nasa zet a tuar ih siizung ah an tuamhlawm rero lai.

CCTV fehtlang in bomb kamtu cu an zingzoi vivo ih Magway khua sungih um Ko Chit Phyo Thon le Htoo Wai Yan an kaih thu People Media thuthang ah an tarlang.

Thudang: Sagaing Region, Katha ramsung ah PDF-Katha le KIA pawl an komaw ih ralkap 40 an that tin NUG cozah in a phuang. September 19 sun ah PDF-Katha le KIA pawl an komaw ih ralkap pawl thawn an doaw ciamco, cutawk ah ralkap 40 an thi.

Cumi hnu zan nazi 9:00 hrawngah doawknak vanzam 5 cu Magway khua par van boruak lakah an zamkual rero, tualsung mipi pawlin Katha ramsung ah ralkap pawl an thi tamtuk ruangah doawknak vanzam thawn an kap tum a si ding ti ruatnak an nei.

Be the first to comment

Leave a Reply

Your email address will not be published.


*