‘Kuva Ka Ei Duh’ Tin Fala Riahnak Ah Ava Feh Ih A Pawngsual

Ayeyarwady, Bogale Township, Chaunggwa khua ah mipa kum 24 mi in vengsung fala kum 18 mi cu amah lawngih aum laiah a duh lo nacingin a itpi. “Kuva ka ei duh” tin fala riahnak inn parah a kaiso ih a sualpi thu vengsung mipi pawlin media hnenah an sim thei.

“Bogale Township, Chaunggwa khua ih thilthleng a si. Fala kum 18 mi cu amah lawngih aum laiah vengsung mipa kum 24 mi Aung Thura cu an inn ah ava feh ih kuva a ei duh thu a sim thei. Inn parah a kaiso ih fala kum 18 mi cu a pawngsual” an ti.

Aung Thura in fala hnenah midang na sim thei asilen ka lo that ding tin a hringhro hnuah a veihnihnak a sualpi sal. Cumi hnuah fala kum 18 mi in tualsung palik pawl hnenah a sim thei ih Aung Thura cu an kai, pawngsual thubuai an orhter.

Bogale palik in, “Fala in veihnih pawngsual a tuar thu a rel. Pawngsualtu khal kan kai zo ih thilthleng cu kan zingzoi rero lai. Kuva a ei duh thu a sim thei ih inn parah a sualpi” a ti.

Thudang: Ro Thuhla Ruangah Hringtu A Nu A That, A Sa A Candip: Malaysia, Perak ih um mipa kum 42 mi in rozem thuhla ah a lungawi lo ih hringtu a nu kum 68 mi cu a that. A sa cu hmun 15 ah a candip ih an inn dunglam tidai sia retnak tank sungah a hlon. A pa in a thih hlanah ro a zem ta, a pa in a thihsan hnuah a nui thawn kum 12 sung an umtlang. A nu thawn khualak ah bursia an hawl ṭheu ih an inn cu a bal in a rimsia. May 28 sun ah hmun dangih um a farnu in palik sakhan ah mihlo thubuai a thehlut, a farnu in nitinten a nu hi a phone ṭheu.

Himi sun ah a tapa in phone arak kai ih, “Ka nu aum lo, innleng ah a suak lawk. Ara tlung cing ding” a ti. Palik pawlin thusutnak khal an nei nan a nu umnak cu an thei lo. June 4 sun ah an innhnen pawlin thilrim sia tuk an thei ih palik hnenah an theihter.

Palik pawlin thil rimsia cu an hawl ih an tidai sia retnak sungah minung sa candip mi an hmu, tualthattu khal palik pawlin an kai ih palik bawi in a thluak fehdan a diklo a ti. Palik bawi in, “A pa thi zo ih rozem thuhla ah a lungawi lo ruangah a nu a that. A lu ah a vuak ih a tlu, cumi hnuah nam in a candip. An inn dunglam tidai sia retnak sungah mithi ruak cu kan hmu, tualthattu khal kan kai hngal” a ti.

Be the first to comment

Leave a Reply

Your email address will not be published.


*