Laithat’pa Min Aung Hlaing Cu Russia Ramah ‘Leitlun Humhimnak’ Thuhla Rel Dingin Ava Tlawng

June 20 ah Min Aung Hlaing le a kuthnuai ṭhenkhat cu International Security thuhla rel dingin Russia khawpi Moscow lam pan in an poksuak.

Conference cu June 22-24 tiang an nei ding, Covid-19 ruangah nikum 2020 ah an rak tuah thei lo. Myanmar ramsung thuneihnak a lak hnuah ramdang a tlawng veihnihnak a si. April 24 ah ASEAN meeting nei dingin Indonesia khawpi Jakarta ah arak tlawng zo.

June 18 ah UN meeting an rak nei ih mipi hnenah thuneihnak an pe kirsal lo asilen Myanmar ralkap cu mai ram ciar ah tlawngter lo ding, ralthuam pawl khal zuarh nawn lo ding ti pawl thurel tlangnak an nei.

Leitlun ram 119 in Myanmar ralkap pawl hremnak pek ding thuhla cu an cohlang lo nan ram 36 in vote an pe ve lo, cumi ah China le Russia khal an telve.

Myanmar ralkap cun an meeting thusuak cu an cohlang lo ih thuneihnak an laknak a san cu vote diklo ruangah a si an rak ti. Cutin ramdang khualtlawng thei lo dingih an rel hnu ni 2-nak ah Min Aung Hlaing cu Russia ramah ava tlawng cih.

Be the first to comment

Leave a Reply

Your email address will not be published.


*