Laitui Khuami (2) In Bomb Kammi An Pal Ngah, Pakhat A Thi

Chin State, Tedim peng, Laitu khuami (2) in May 2, 2022 ah an cawhlo an hawl, Lingtan tlang kiangkap ah an hawl ih vanduai thlak zetin bomb kammi an pal ngah. A hmun ah pakhat a thi cih ih pakhat sawn cu hliamhma nazet tuar in Mizoram an panpi.

Laitui khuami U Thang Lian le U Suan Lian cu cawhlo an va hawlnak ah vanduainak an tong, U Thang Lian cu a hmun ah a thi ih U Suan Lian cu Mizoram siizung ah an tuamhlawm.

A hlanah Laitui khua kiang Lingtan tlang parah ralhrang pawlin umhmun an rak khuar zo, tualsung mipi ralkap pawl thawn an ngiarawknak hmunram a si. Himi kiangkap ah bomb kammi khal a tam zet. May 1, 2022 khalah Falam khua kiang, Rih lamzin ah mino pakhat in bomb kammi a pal ngah ih hliamhma nazet a tuar.

April thla khalah Lingtan tlang ah caw pakhat in bomb kammi a pal puak ih a thi. Ralhrang in ramsung thuneihnak an lak hnuah Chin ramsung ah bomb kammi ruangah tualsung mi 9 an thi ih hliamhma tuar 19 an um zo.

Be the first to comment

Leave a Reply

Your email address will not be published.


*