Lal Nunrawng U Than Shwe Tei Nupa Khal Covid-19 Ihsin An Dam Ṭha Zo

Kum 88 mi U Than Shwe le a nupi Daw Kyaing Kyaing cu Covid-19 in an damlo ih ralkap siizungpi ah reipi an rak tuamhlawm.

An tuamhlawm rero laiah U Than Shwe a thi tin thuthang diklo a lengvak lawk ih mipi cu an rak lungawi zet man. U Than Shwe cu Myanmar ram san thuanthu ah a hmin a lang ringring thlang ding.

A vanglai ahcun Myanmar ralkap pawl hotu a si ih 1992-2011 kum sung cu Chairman a ṭuan. Lal arak ṭuan laiah a kut sungah mi tampi an thi zo, a kut ihsin thisen tampi a luangsuak. Ralkap ihsin a cawlh hnuah Min Aung Hlaing in a aiawh ah Chairman a ṭuan ih a keneh arun zawh vivo.

U Than Shwe cu Covid-19 in a damlo ti an theih veten mipi in a thih ding an beisei zet laiah a dam ṭhasal zo ti an thei cu an riah a sia zet. Arak nung kha tuk ruangah zohman in an ngaina nawn lo. A tupa Nay Shwe Thwe Aung in a Facebook My Day ah “Ka pi le ka pu an dam ṭha zo” tin a tarlang.

Be the first to comment

Leave a Reply

Your email address will not be published.


*