Lamzawhnak Ih Mual Liamtu Ih Nupi In Nau A Nei Zik Thlang, A Pasal Zunngai In Aum

Ram le miphun hrangah mi tampi in an nunnak an hlan zo, an tanta mi nupi/pasal, innsang pawl cu thinhar in an ṭap rero lai. An nunnak an hlan nan ram a ṭha hrih cuang lo, an tanta mi pawlin an thisen man cu alak lo ding tin an zuam rero lai.

March 11 sun ah pacang Ko Chit Min Thu cu lamzawhnak ah ava tel ih ralkap pawlin a lu ah an kap ngah ih a thi. A thih ahhin a nupi naupai lai cu thla 2 a kim, a nupi le a fanu kum 2 mi a thihsan.

August 11 ahkhan a thih thla 6 kimnak an tuah ih a nupi le a innsang pawl cu an ṭap rero. March 11 zing lamzawhnak ih a feh hlanah a nupi in “Tuisun cu va tel lo mai aw” tin a kham rero nan a kham thei lo.

Ko Chit Min Thu in “Ka feh tengteng a ṭul, ka feh lo asilen keimah vek minung an rak tamtuk ahcun zalennak kan ngah thei dah lo ding” a ti hnuah a feh ih ralkap pawlin an rak kap that.

Tu’ah a nupi naupai cu thla 8 a kim zo, a nau neih a cu zik thlang ih a pasal tel loin a fanu kum 2 mi le a nauthar cu a kilkhawi a ṭul. A pasal a ko rero nan kirzai a rel nawn lo. Mipi khalin an zangfak tuk ih bawmnak an pe rero lai.

Be the first to comment

Leave a Reply

Your email address will not be published.


*