Lamzawhnak Kiltu PDF (5) An That, Ralhrang Hnenih An Thuhla Rak Sim Theitu Dalan (2) Cu PDF In An Va Kap That

April 17, 2022 ah Sagaing, Monywa hrambun Unity Force (Monywa) PDF pawlin meithal in lamzawhtu pawl an kil. April 17, 2022 zinglam nazi 7:00 ah Monywa-Mandalay lamzin ah lamzawhnak an nei, minute 20 sung hrawng lamzawhnak an nei ih PDF pawlin meithal thawn an kil.

Cutin an cangvaih lai cu dalan in ralhrang hnenah an rak sim thei. Ralhrang le Pyu Saw Htee pawlin an va lutchilh ih PDF 5 cu an kai hnuah an that cih. Ralhrang hnenih an thuhla simtu dalan pahnih cu April 17 zanlam le April 18 sun ah PDF pawlin an va kap that.

An thatmi dalan pahnih cu U Nay Lin Tun le tlawng saya áš­uan lai U Tin Win an si. U Nay Lin Tun cu April 17 zanlam ah an inn ah an va kap that, tlawng saya U Tin Win khal a thaisun April 18 ah an kap that.

April 17 zing ih mual liamtu PDF 5 pawl cu Zwe Man Aung, Min Thant Kyaw, Raza Tun, Nai Wunna le Min Khant (Moe Di) an si. ISP Myanmar thuthang sungah ralhrang in ramsung thuneihnak an lak hnu February 1, 2021 ihsin November 16, 2021 tiang ah dalan tin mi 1,564 an that zo thu ralhrang pawl ih ngankhummi sirhsan in November 2021 ah an phuang.

Be the first to comment

Leave a Reply

Your email address will not be published.


*