Lamzin Kap Ah Nau A Hring, A Fa A Thi

Shan State, Tangyan peng, Loihseng khua ih um innsang nu pakhat cu July 31, 2022 sun nazi 3:00 hrawngah tlanglo ihsin an tlunlam ah nau a hring, a fate cu a thi. An nupa in tlanglo ah hna an ṭuan ṭheu, innsang harsa zet an si.

An tlunlam ah innsang nu cu a pum naa ciamco ih an talbuai, Ta’ang harhdamnak pawlkom hnenah bawmnak an dil ih an va bawm.

Ta’ang harhdamnak pawlkom ih ṭuanvo neitu Loy Aye Luk in, “Tlanglo ihsin an nupa in an tlung ih lamzin kap hmun pakhat ah pum naa in an talbuai. In phone ih khuasung ih siibawi ka hruai, khua tlunnak khal a hla tuk lai.

A pasal in bike a mawng thiam fawn lo, curuangah lamzin kap ah nau nei dingin kan bawm nan naute cu a suah ihsin a thicia, innsang nu cu a harhdamnak a ṭha” a ti. Innsang pabik hi a thluak a kim lo, innsang harsa zet an si ih a caan ahcun ei le in ding an nei lo.

Innsang nu hi naupai cingin hna a ṭuan ringring, Ta’ang harhdamnak pawlkom in bawmnak sumpai malte an pe. Loihseng khua cu tlangram ih um a si ih ruahsur caan ahcun lamzin a siat tuk ruangah khawpi lam an pan thei lo, khawpi lam an pan thei lo ruangah damlo harsatnak tong an um hnuaihni zo.

Be the first to comment

Leave a Reply

Your email address will not be published.


*