Lamzin Kap Ah Nupi A Hawl Thu A Tarlang Ih Nunau 100 Lenglo In An Be >>>

London khawpi ih um tlangval kum 29 mi Muhammad Malik in nupi a hawl thu lamzin kap billboards ah a tarlang vivo. January 1, 2022 ah, “Nulepa lungkimnak ih neihawknak ihsin in runsuak hram uh” tin a tarlang.

Hitin a tarlang hnuah nunau 100 lenglo in an biak thu media hnenah a sim thei. Nunau pawl cu a rualpa in a zohdik hmaisa, cumi hnuah amah thawn an tongaw ding. Lamzin kap ih billboards tar man hi a khung zet ih ziangzat a cemliam ti cu a phuangsuak duh lo.

A nupi hawlnak billboards cu khawpi pathum Birmingham, Manchester le London khawpi lamzin kap ah a tar vivo ih a cem tam zet ding ti zum a si. Muhammad Malik hi cathiam sang a si ih milian khal a si, cun a hnaṭuan khal a ṭha zet.

Muhammad Malik in, “Kumthar a si zo ih keimah khal ka thar, nulepa lungkimnak ih neihawknak cu ka dokalh lo. Hmun ṭhenkhat ahcun a ṭha zet ko, asinan keimai duhmi rori neih ka duh ih ka zuam rero lai” a ti.

Be the first to comment

Leave a Reply

Your email address will not be published.


*