China, Zhe Jiang Province vengsung ih um innsang pakhat in noodles an zuar, lamzin kap ih um putar pakhat in sumpai deu in kum 7 sung noodles cu arak lei ṭheu.
Thilzuartu in sumpai deu/lem ti a thei ko nan thei lo bangin aum ih, pangaiten noodle arak pe ringring. Sumpai deu cu cahnah ah kut ih suaimi a si ih sumpai ngai bang dingin a colour.
Thilzuartu in, “Sumpai deu in pe lo khalsehla rawl cu ka rak pe thotho ding. Kum 7 sungah veikhat lawng hmun dangah kan thawn’aw ih kan dawr umnak cu arak thei hngal ih in ra pan.
A caan ahcun sumpai ngai RMB 2 in pe, putar ih dinhmun hi ka theithiampi ih kilkhawitu a ṭul tuk” a ti. A thiltuahmi ruangah online mipi pawlin an lawm zet ih “nan nupa in thlausuah co vivo hram uh” tin duhsaknak an hlan.
Leave a Reply