Lamzin Kap Ih Um, Rualban Loin A Sumpai Khawl Mi Cu Oxygen Cet Leinak Dingah A Hlu

Covid-19 natsia in Myanmar ramsung a nuai ciamco ih damlo le mithi an tam zet zo. Oxygen haidaih awklonak ruangah mithi an tam tuk zo ih mipi le mipi an bawmaw rero lai.

Magway Region, Yenangyaung khua ah oxygen tuahnak cetpi lei an tum ih sumpai an khongaw. July 18, 2021 zingah lamzin kap ih um, taksa rualban lo U Lay Gyi cu a norleng thawn mi tlawmngai pawl umnak ah ava feh ih oxygen cet leinak dingah tin a sumpai thawng 30000 cu a hlan.

Mi tlawmngai pawl khalin zovek mi a si ti an theih ruangah an mangbang tuk ih online parah an tarlang cu Myanmar ramsung ah a thuhla a thang cih.

U Lay Gyi cu umnak ding inn le lo nei lo a si ih lamzin kap ah aum, mipi pek mi ti le rawl ring ih khuasa a si. A kee a ṭha lo ruangah a feh thei lo ih vengsung mi in norleng an pe, cutin lam a leng thei fang. Cun, a thluak lam khal a ciangkuang lo.

Kum 20 liamzo ah hringtu a nu in a thihsan ih sungkhat unau dang a neih lo ruangah lamzin kap ah a khuasa, sumpai a neihmi cu arak khawl ringring ih mipi pawl bawmnak ah a hmangsal cu an khuasung mi tlawmngai pawl khalin upatnak an hlan ve.

Be the first to comment

Leave a Reply

Your email address will not be published.


*