Lamzinkap Ih Hnawmhne A Sam Vivo, Bomb Arak Um Ih A Puak That

May 28 zinglam ah China-Myanmar ramri Muse khua sungah bomb a puak ih minung pakhat a thi, pahnih in hliam an tuar. Shan State, Muse khua ih um tlangval kum 18 mi Thingyan cu khuasung hnawmhne samtu a si.

Hnawmhne samnak company ah hna a ṭuan ih zingtinten hnawmhne sam in a vaksuak ṭheu. May 28 zingah tlawnginn kiang lamah hnawmhne ava sam, theithiam loin bomb a sam ngah ih a puak ruangah a hmun ah a thi cih, a ke 2 cu bomb in a puakdarh ih a taksa dang khalah hliam a tuar.

A hnaṭuannak company khalin tuarpinak an langter, hliamtuar dang cu lamzin ih bike mawng nunau a si. Bomb puak laitak ah bike arak mawng ih a bike khal a puak cih, a taksa hrek cu a kangsia thluh.

A dinhmun cu a ṭha lo zet ih siizung ah an ṭuamhlawm rero lai, hliamtuar pakhat sawn cu bomb puaknak kiangih sii dawr kiltu fala te a si. Anih cu hliam a tuar na lemlo, bomb puaknak hmun ah ralkap pawl an umkhat thluh zo ih zo in bomb an kam ih an puah ti an zingzoi rero lai.

Be the first to comment

Leave a Reply

Your email address will not be published.


*