Laphak Dawr Ih To Minung 4 An Kai Ih Zu Le Eiin An Phurter

Ralkap in thuneihnak an lak hnu ihsin khuasung ah vok lal leng in an leng ih mipi thilri an duhduh an laksak. May 26, 2021 sunah Tanintharyi, Yebyu Township Maw Gyi khuate ah an va feh ih laphak dawr ih to men minung 4 an kai.

An kaihmi 4 cu 2020 kum hrilawknak ih zung hnaṭuan an si, laphak dawr ah thunuam rel in an rak to lai cu ralkap pawlin an kai ih dawr sungah an vel ciamco.

Dawr sung ta zu le ei’in pawl an laksak ih an kaihmi 4 cu an phurter, meithal thawn an dunglam ihsin an khawr vivo.

An kaihmi 4 cu Maw Gyi khua ihsin Phaungdaw khua tiang zu palang le ei’in pawl an phurter. Phaungdaw palik sakhan ah an khum ih tutiang an suah hrih lo.

Be the first to comment

Leave a Reply

Your email address will not be published.


*