Lashio Ah Fala Kum 19 Mi A Hlo

Shan State, Lashio le Tangyan khua karlak ah fala kum 19 mi a hlo, a hmin cu Nang Kaw Kham a si. Lashio ih an sungkhat inn ah ava tlawng ih May 9, 2022 sun nazi 1:00 hrawngah a tlung cu lamlak ah a hlo.

An sungkhat in, “Kan inn ah ara tlawng ih a tlunlam ah a hlo. A nu in inn a thleng lo a ti, a feh ṭheunak hmun pawl ah kan va hawl nan kan hmu lo, a rualpi pawl khal kan sut ih an thei lo” a ti.

A hlohnak hi ni 3 a si zo ih a innsang pawl cu an thinhar zet. Ralhrang in ramsung thuneihnak an lak hnuah Lashio kiangkap ah mihlo thuhla theih ding aum ringring, ṭhenkhat cu damten an hmusal ih ṭhenkhat cu thicia in an hmu.

An hmuh nawn lo mi khal an um, ṭhenkhat cu misual in an kaihrem ih an innsang pawl hnenah tlensuahnak ding sumpai an dil. Lashio ramsung ah ritheihsii tham, suamhmang le rukru an tam zet.

Be the first to comment

Leave a Reply

Your email address will not be published.


*